पोखरा–२९,फागुन
रोटरी क्लब अफ पोखरा अन्नपूर्णद्धारा प्रायोजीत रोटरी कम्युनिटी कोर अन्नपूर्ण सराङ्गकोटको चार्टर हस्ताण्तरण कार्यक्रम आज कास्कीको सराङ्गकोटमा सम्पन्न भएको छ । चार्टर हस्ताण्तरण कार्यक्रममा बोल्दै कार्यक्रमका प्रमुख अतिथि रोटरी इन्टरनेशनल डिस्ट्रिक ३२९२ का पूर्व डिस्ट्रिक गभर्नर तिर्थमान शाक्यले स्थापित सँस्थाले समाजसेवामा अग्रसरता देखाइ हरेक जनताका काममा सहयोग गर्न आग्रह गर्नुभयो । उँहाले समाजसेवाका अतिरिक्त शिक्षा, स्वास्थ्य लगायतका क्षेत्रमा पनि काम गर्न पनि निर्देशन दिनुभयो । रोटरी क्लब अफ पोखरा अन्नपूर्णका अध्यक्ष डिल्लि प्रसाद शर्माको सभापतित्वमा भएको कार्यक्रममा कार्यक्रम संयोजक राजेन्द्र प्रजु, रिसिराम सापकोटा, किरणलाल श्रेष्ठ, जोश्ना प्रजु, सुकमाया तामाङ्ग लगायतका वक्ताहरुले आ–आफना धारणा राख्नुभएको थियो । रोटरी कम्युनिटी कोर अन्नपूर्ण सराङ्गकोटमा सुकमाया तामाङ्गको अध्यक्षमा १७ सदस्यीय नयाँ कार्यसमिति समेत गठन गरिएको छ । समितिको उपाध्यक्षमा पूर्ण बहादुर तामाङ्ग, सचिवमा सरिता गुरुङ्ग, कोषाध्यक्षमा पुष्प बहादुर गुरुङ्ग रहनुभएको छ भने सदस्यहरुमा क्रमश ः महेन्द्र परियार, राज कुमार वि.क., नरेन्द्र तामाङ्ग, सुसिला तामाङ्ग, अन्तिम तामाङ्ग, सुनिल थापा, दिलु गुरुङ्ग, चिनीमाया तामाङ्ग, खुम बहादुर गुरुङ्ग, सोनि थापा मगर, मधु कोइराला रहनुभएको छ भने सल्लाहकारमा दिनेश श्रेष्ठ रहनुभएको सचिव सरिता गुरुङ्गले जानकारी दिनुभयो ।
निशुल्क दुना टपरी गाँस्ने तालिम पोखरामा सुरु
युवा युवतीहरुलाई लक्षित गर्दै सचेतना हस्तकला उद्योग धारापानीमार्ग पोखरा–२ को आयोजनामा गाँस्ने तालिम मङ्गलबारदेखि पोखरामा सुरु भएको छ । दुना टपरी सिकाउने आफनो सँस्कार सँस्कृति परम्परालाई जगेर्ना गर्ने उद्देश्यले आयोजना गरिएको तालिममा सहभागि हुनका लागि अनन्ता सामुदायिक सेवा समितिका अध्यक्ष गोमा सुवेदीले सबैमा आग्रह गर्नुभएको छ । सचेतना हस्तकला उद्योगले दुना टपरी जस्तै गुडिया, उनी फूलको माला, सिलाई बुनाई, कोठामा सजाउने गमलाहरु ल्गायतका विभिन्न तालिम सञ्चालन गरिरहने नारायणी सुवेदीले जानकारी दिनुभयो ।
वीरेन्द्र सापकोटा