विदेशका नेपालीद्धारा सहारालाई सहयोग - नविनको उदाहरण
Category: Gossip - Interaction

विदेशका नेपालीद्धारा सहारालाई सहयोग - नविनको उदाहरण


विदेशमा वस्दा पनि आफनै जन्मभूमिको मायाले कति पिरोल्दो रहेछ भन्ने उदाहरण वेलायतमा बस्ने नेपालीहरुले यहाँको एउटा क्लबलाई दिएको सहयोगले प्रमाणित गरेको छ ।

एक दशकदेखि फुटबल खेलको विकासमा सक्रिय पोखराको सहारा क्लबलाई वेलायतमा बस्दै आएका नविन गुरुङ सहितका युवाहरुले २० लाख रुपैया नगद सहयोग गरीसकेका छन भने थप ३५ लाख रुपैया दिने बचन दिएका छन् । खेलकुद सामाग्री पनि मनग्गे दिएका छन् ।

सहारा क्लबका सल्लाहकार महेश गुरुङसँग १४ वर्षेखि होटल व्यवसाय र एयरलाइन्समा काम गर्दै आइरहेका नविन गुरुङको वेलायतमा पाँच वर्षअघि भेट भएपछि सहारालाई सहयोग जुटाउने अभियान सुरु भएको हो ।

वेलायतमा युके सहारा गठन गरी नगद सहयोगको अलावा फुटबल प्रेमी नविनले वेलायती र त्यहाँका नेपाली जम्मा गरेर तीन वर्षदेखि पोखरामा जारी आहा अन्तराष्ट्रिय फुटबल प्रतियोगितामा लाखौ खर्चैर टीम नै सहभागी गराएर सहयोगको नौलो उदाहरण पनि देखाएका छन् । कमाएर मात्र केही हुँदैन, हातका मैला हो । नविन भन्छन" समाजलाई केही दिन सके नाम रहन्छ, कमाएर मात्र के गर्नै करोडपतिलाई पनि कसैले चिन्दैन," नविन भन्छन् ।

चारवर्षअघि सहाराले गरेको फुटबल खेलप्रतिको उदाहरणीय काम देखेर ३० हजार सहयोग गरेका थिए ४५ वर्षौ नविनले । त्यसपछि आफू मात्र हैन अरुलाई पनि सहयोग गर्न उत्प्रेरित गरे । मुच्छेन्द्र गुरुङले मैदान सम्याउन पाँच लाख, विदेशी गुनारको टोलीले सात लाख, विद्यालयलाई एक लाख र नविनले चन्दा संकलन गरेर पाँच लाख सहित थप रकम बेलाबेलमा दिए । कपडा, खेल सामाग्री, रेडियो जस्ता विविध सामाग्री पनि आइरहेका छन् ।

अहिलेसम्म २० लाख दियौ,- नविन थप्छन अव यही वर्षभत्र च्यारीटी, सांस्कृति कार्यक्रम र फुटबल प्रतियोगिता गरेर ३५ लाख जति उठाउने लक्ष्य छ । उनीहरुले युके र नेपालमा कर्न्र्सटहरु, सेभेन ए साइड फुटबल प्रतियोगिता जस्ता ६ वटा च्यारीटी कार्यक्रम गर्दैछन् ।

फुटबल खेल्दाखेल्दै एक दशक अघि गठित सहारा क्बलले क्याराभान र आहा गरी आठवर्षेखि मोफसलमा ठूलो पुरस्कार राशीको अन्रताष्टिय गोल्डकप फुटबल प्रतियोगिता गरीरहेको छ । प्रतियोगितामा देशविदेशका १२ टीम सहभागी हुँदै आएका छन । चार वर्षेखि २० अनाथ बालवालिकालाई शिक्षा र आवास सहित फुटबल प्रशिक्षण दिएर सहारा एकेडेमी चलाउँदै आएको छ जसको खर्च मासिक ७० हजार छ ।

आफ्नै खेल मैदानको आवश्यकता महशुस भएकोले पोखरा दोविल्लामा ३३ लाख ५० हजारमा २६ रोपनी जग्गा किनेको छ, सहारा भिलेज बनाउन । जहाँ खेलाडीको बसोवास र खेल प्रशिक्षण हुनेछ । " प्रतियोगिता, बालवालिकालाई प्रशिक्षण र मैदानमा पूर्वाधार बनाउन लाखौ खर्च हुन्छ, नविन र उहाँको समूहले हामीले भन्दा धेरै पाइलैपिच्छे सहयोग गर्नुभएको छ," सहारा क्लबका अध्यक्ष विक्रम थकाली भन्छन् ।

प्रत्येकलाई एक लाख खर्च लाग्ने भएपनि सातौ आहा गोल्डकपमा आउँदा युके सहाराबाट आफ्नै टीम सहित २६ जना आएका थिए । विदेशम बस्नेहरु दशै तिहार चाडमा नेपाल आउने भएपनि यो टोली तीन वर्षदेखि आहा गोल्डकपलाई नै दर्श पर्व मानेर यता आउन थालेको टोलीका सहभागी लोकबहादुर गुरुङले बताए । " परिवार पनि भेटछौ, आहा गोल्डकपलाई दशै पर्व ठानेर रमाउँछौ," युके सहारा गठनमा महत्वपूर्ण योगदान दिएका सहारा क्लबका सल्लाहकार महेश गुरुङ थप्छन् ।

खेलको विकासको लागि सरकारको मात्र मुख ताक्नु हुन्न । सबैले आआफनो ठाउँबाट सहयोग गर्नुपर्छ ।

अव नेपालमै पहिलोचोटि मैदान, आवास सहितको फुटबल एकेडेमीको लागि पोखरामा जग्गा खरिद गरेको सहारा क्लबलाई पूर्वाधार निर्माणको ठूलो चुनौति पनि खडा भएको छ । " मैदान र ऐकेडेमीका लागि आवश्यक पर्ुवाधार निर्माण गरेर एकेडेमीको उदाहरण बनाउने इच्छा छ सहारालाई जसको लागि हामी सहयोगको लागि मरिमेटछौ," सहारा युकेका अध्यक्ष नविन आफनो इच्छा बताउँछन् । सूर्यचन्द्र बस्नेत